რუბრიკები: ქაღალდები არ იწვიან

ანოტაცია

„ცენზურის ორგანოების მითითებით, გთხოვთ ყველაფერი იღონოთ რათა ამოიღოთ ლ. პ. ბერიას ყველა ბეჭდური ნაწარმოები და პორტრეტი ბიბლიოთეკისა და სხვა წიგნის ფონდებიდან!"

 რამდენჯერ გვსმენია და წაგვიკითხავს, - ბერიას (შემდეგ სტალინის, მანამდე ტროცკისა და ათასების) სურათები ამოჭრილია ამოფხეკილია, ამოძირკვულია დოკუმენტებიდანო. ყველამ ვიცით, მაგრამ ასე პირდაპირ პირველწყაროს რომ წააწყდები, სათავეს, საიდანაც მოდიოდა ამ "ამოფხიკვების" სუსხიანი მითითებები მაინც შეგაჟრჟოლებს ადამიანს. დედამიწას, მის ერთ, მეექვსედს მაინც ატრიალებდა ბერია საკუთარ ნებაზე, წარბის ერთი წამისყოფით... უცებ კი აღმოჩნდა რომ ერთიოდე მითითება, ფარატინა ქაღალდზე, საკმარისი აღმოჩნდა სახსენებელიც კი ამოეძირკვათ მისი ფოლიანტებიდან.