აკადემიკოს კორნელი კეკელიძის გამოუქვეყნებელი ნაშრომი „აფხაზეთის საკათალიკოზო“

ანოტაცია

აბ­სტრაქ­ტი. სა­ქარ­თვე­ლოს ეროვ­ნუ­ლი არ­ქი­ვის სა­ის­ტო­რიო ცენ­ტრა­ლუ­რი არ­ქი­ვის სი­მონ ჯა­ნა­ში­ას პი­რად ფონ­დში ინა­ხე­ბა აკა­დე­მი­კოს კორ­ნე­ლი კე­კე­ლი­ძის გა­მო­უქ­ვეყ­ნე­ბე­ლი ნაშ­რო­მი „აფ­ხა­ზე­თის სა­კა­თა­ლი­კო­ზო“. ნაშ­რო­მი მო­ი­ცავს მცი­რე ფორ­მა­ტის მან­ქა­ნა­ზე ნა­ბეჭდ ათ გვერდს. ნაშ­რომ­ში ალაგ-ალაგ გვხვდე­ბა კალ­მით ჩას­წო­რე­ბე­ბი, ხო­ლო ბო­ლო­ში მო­ცე­მუ­ლია გა­მო­ყე­ნე­ბუ­ლი ლი­ტე­რა­ტუ­რა და კალ­მით გა­კე­თე­ბუ­ლი ინი­ცი­ა­ლე­ბი „კ. კ.“, რომ­ლის ბო­ლო ასოს­თან კვად­რა­ტულ ფრჩხილ­ში მი­წე­რი­ლია „ეკე­ლი­ძე“, ანუ „კ. კე­კე­ლი­ძე“. აღ­ნიშ­ნუ­ლი ადას­ტუ­რებს, რომ ნაშ­რო­მი ეკუთ­ვნის კორ­ნე­ლი კე­კე­ლი­ძეს (ხელ­მო­წე­რა ემ­თხვე­ვა კორ­ნე­ლი კე­კე­ლი­ძის კა­ლიგ­რა­ფი­ას). გარ­და ამი­სა, ნაშ­რო­მის ბო­ლოს, უკი­დუ­რეს მარ­ცხე­ნა ქვე­და კი­დეს­თან არის მი­ნა­წე­რი „ს. ჯა­ნა­შია“. ეს გა­რე­მო­ე­ბა და ის, რომ ნაშ­რო­მი აღ­მოჩ­ნდა აკა­დე­მი­კოს სი­მონ ჯა­ნა­ში­ას პი­რად ფონ­დში, გვა­ფიქ­რე­ბი­ნებს, რომ კორ­ნე­ლი კე­კე­ლი­ძემ ნაშ­რო­მი, სა­ვა­რა­უ­დოდ რე­ცენ­ზი­ის­თვის, სი­მონ ჯა­ნა­ში­ას გა­დას­ცა, ხო­ლო, დი­დი ალ­ბა­თო­ბით, ამ უკა­ნას­კნელ­მა მცი­რე კო­რექ­ტი­ვე­ბი შე­ი­ტა­ნა მას­ში (ნაშ­რომ­ში არ­სე­ბუ­ლი ჩას­წო­რე­ბე­ბი, ჩვე­ნი აზ­რით, სი­მონ ჯა­ნა­ში­ას კა­ლიგ­რა­ფი­ას ჰგავს). ნაშ­რო­მის ბო­ლოს მი­თი­თე­ბუ­ლია გა­მო­ყე­ნე­ბუ­ლი ლი­ტე­რა­ტუ­რა, რო­მელ­თა­გან ყვე­ლა­ზე გვი­ან გა­მოქ­ვეყ­ნე­ბუ­ლი ნაშ­რო­მი 1930 წლით თა­რიღ­დე­ბა. რო­გორც ვი­ცით, აკა­დე­მი­კო­სი სი­მონ ჯა­ნა­შია 1947 წელს გარ­და­იც­ვა­ლა. აქე­დან გა­მომ­დი­ნა­რე, შეგ­ვიძ­ლია და­ვას­კვნათ, რომ აკა­დე­მი­კოს კორ­ნე­ლი კე­კე­ლი­ძის და­სა­ხე­ლე­ბუ­ლი ნაშ­რო­მი 1930-1947 წლებს შო­რის პე­რი­ოდ­ში და­ი­წე­რა. კ. კე­კე­ლი­ძე ნაშ­რომ­ში არ­გუ­მენ­ტი­რე­ბუ­ლად სა­უბ­რობს აფ­ხა­ზე­თის სა­კა­თა­ლი­კო­სოს ჩა­მო­ყა­ლი­ბე­ბის დრო­სა და გა­რე­მო­ე­ბებ­ზე და რო­გორ მო­ი­პო­ვა მცხე­თის სა­კა­თა­ლი­კო­სომ გარ­კვე­უ­ლი პრი­ვი­ლე­გი­ე­ბი ერ­თი­ან ქარ­თულ სა­მე­ფო­ში (სა­ქარ­თვე­ლოს სა­მე­ფო­ში), სა­დაც ორი­ვე სა­კა­თა­ლი­კო­სო თა­ნა­არ­სე­ბობ­და. კ. კე­კე­ლი­ძის აღ­ნიშ­ნუ­ლი გა­მო­უქ­ვეყ­ნე­ბე­ლი ნაშ­რო­მი ფარ­თო გან­სჯის სა­გა­ნი პირ­ვე­ლად ხდე­ბა. სტა­ტი­ა­ში გა­მო­ყე­ნე­ბუ­ლია ში­ნა­არ­სობ­რი­ვი ანა­ლი­ზის მე­თო­დი.