საქართველო-ჩეხეთის სამეცნიერო-კულტურული ურთიერთობები, აკადემიური ცოდნის გაცვლის ტენდენციები და პერსპექტივები

ანოტაცია

თანამედროვე პირობებში განსაკუთრებული აქტუალობა შეიძინა ეროვნული პოლიტიკის, ეკონომიკის, განათლების სწრაფვამ გლობალიზაციისაკენ. შესაბამისად იზრდება სახელმწიფოთა ურთიერთდამოკიდებულებების ხარისხი, იქმნება ერ- თიანი სამეცნიერო-კულტურული ცენტრები, გლობალური ბაზრები, იზრდება ინტერესი ამ პროცესების მეცნიერული შესწავლისადმი. ყოველივე ეს ხელს უწყობს ერ- თიან ეკონომიკურ, კულტურულ, საგანმანათლებლო სივრცეში ინტეგრაციული პროცესების გააქტიურებას. ამ შეუქცევად პროცესებს განაპირობებს აგრეთვე ხელისუფლების მიერ სხვადასხვა ქვეყანასთან გაფორმებული ორმხრივი თუ მრავალმხრივი შეთანხმებები, ხელშეკრულებები, მემორანდუმები, რომლებიც აკადემიური ცოდნის ტრანსფერის - გაცვლის ერთგვარ წინაპირობადაც გვევლინება.